ترقی یافتہ ممالک میں تعلیم مفت فراہم کی جاتی ہے اور تعلیمی اخراجات ریاست کی ذمہ داری ہوتی ہے۔ ضیاء الدین انصاری
لاہور( میاں انوارالسلام کمیانہ)الخدمت فاؤنڈیشن کے پلیٹ فارم سے اہل طلبہ کے لیے ہر ممکن اقدامات کیے جائیں گے تاکہ کوئی بھی تعلیم سے محروم نہ رہ سکے۔ سرپرست الخدمت فاؤنڈیشن لاہور ضیاء الدین انصاری ایڈووکیٹ کا الخدمت اکیڈمک اسکالرشپ تقریب سے خطاب
الخدمت فاؤنڈیشن لاہور کے زیر اہتمام ایک پروقار اکیڈمک اسکالرشپ تقریب کا انعقاد کیا گیا، جس میں مختلف جامعات میں داخلہ لینے والے باصلاحیت طلبہ و طالبات شرکت کی۔ تقریب کی صدارت نے خصوصی شرکت کی۔
تقریب کے دوران گرمیوں کے اکیڈمک پروگرام میں نمایاں کارکردگی دکھانے والے طلبہ و طالبات میں تحائف اور تعریفی اسناد تقسیم کی گئیں۔ اس موقع پر خطاب کرتے ہوئے ضیاء الدین انصاری ایڈووکیٹ نے کہا کہ تعلیم ہر فرد کا بنیادی حق ہے اور ہمیں اسے مفت بنانا ہوگا۔ الخدمت اسکالرشپ پروگرام باصلاحیت طلبہ کے خوابوں کی تعبیر بن رہا ہے۔
انہوں نے مہنگی تعلیم کو باصلاحیت طلبہ کی راہ میں بڑی رکاوٹ قرار دیتے ہوئے کہا کہ ترقی یافتہ ممالک میں تعلیم مفت فراہم کی جاتی ہے اور تعلیمی اخراجات ریاست کی ذمہ داری ہوتی ہے۔ بدقسمتی سے ہمارے ملک میں کرپٹ نظام نے تعلیمی ڈھانچے کو بری طرح متاثر کیا ہے۔
سرپرستِ اعلیٰ کا مزید کہا کہنا تھا کہ الخدمت فاؤنڈیشن کے پلیٹ فارم سے اہل طلبہ کے لیے ہر ممکن اقدامات کیے جائیں گے تاکہ کوئی بھی طالب علم مالی مجبوری کے باعث تعلیم سے محروم نہ رہ سکے۔تقریب کے اختتام پر طلبہ و طالبات نے الخدمت فاؤنڈیشن کا شکریہ ادا کرتے ہوئے اس اقدام کو علم دوستی کی اعلیٰ مثال قرار دیا۔
