اسٹریمنگ ویب سائٹ یوٹیوب سے مقابلے کیلیے شارٹ ویڈیو ایپلی کیشن ٹک ٹاک نے ڈیسک ٹاپ ورژن میں متعدد فیچرز متعارف کرادیے
لاہور(ویب ڈیسک) دنیا بھر میں ٹک ٹاک ایک موبائل فرسٹ پلیٹ فارم کے طور پر جانا جاتا ہے، ایک ارب سے زائد لوگ تفریح اور تخلیقی صلاحیتوں کو سیکھنے کے لیے ٹک ٹاک کو استعمال کرتے ہیں۔
کمپنی کی جانب سے جاری ایک بیان کے مطابق ڈیسک ٹاپ ورژن کو زیادہ بہتر بنانے کے لیے متعدد فیچرز پیش کیے گئے ہیں، صارفین کو ان فیچرز تک رسائی ترتیب وار دی جائے گی۔
اس حوالے سے انتظامیہ کا کہنا ہے کہ ہم مسلسل اپنے صارفین کی بدلتی ہوئی ضروریات کو پورا کرنے اور اس ایپلی کیشن کے تجربے کو بہتر بنانے کے نئے طریقے تلاش کر رہے ہیں اس لیے ہم سمجھتے ہیں کہ کچھ مواقع پر ڈیسک ٹاپ پر ویڈیوز دیکھنا زیادہ آسان ہو سکتا ہے
