افغان طالبان رجیم نے پاک افغان سرحد پر بلا اشتعال کارروائی کی جس پر پاکستان نے منہ توڑ جواب دیا ہے۔
لاہور۔ ڈیلی ٹائمز۔ (مانیٹرنگ ڈیسک) وزارت اطلاعات کے مطابق افغان طالبان رجیم کی بلا اشتعال کارروائی کا فوری اور موثر جواب دیا گیا ہے، انہوں نے غلط اندازہ لگایا اور متعدد مقامات پر بلا اشتعال پر فائرنگ کی ہے۔
طالبان نے کے پی میں سرحد پار متعدد مقامات پر فائرنگ کی، فورسز نے بلا اشتعال جارحیت کا منہ توڑ جواب دیا، چترال، خیبر، مہمند، کرم اور باجوڑ سیکٹر میں بھرپور جواب دیا گیا ہے۔
وزارت اطلاعات کا کہنا ہے کہ ابتدائی اطلاعات کے مطابق طالبان رجیم کو بھاری جانی و مالی نقصان ہوا ہے، فورسز کی جوابی کارروائی میں افغان طالبان کی متعدد پوسٹیں تباہ ہوگئیں۔
وزارت طلاعات کا کہنا ہے کہ پاکستان اپنی علاقائی سالمیت پر کوئی سمجھوتہ نہیں کرے گا، پاکستان شہریوں کی حفاظت کے لیے تمام اقدامات کرے گا۔
