لاہور۔ڈیلی ٹائمز۔ (انواراسلام کمیانہ) امیر جماعت اسلامی لاہور ضیاء الدین انصاری ایڈووکیٹ نے کہا ہے کہ لاہور سرکاری ہسپتالوں میں طبی غفلت کے بڑھتے ہوئے واقعات انتہائی تشویشناک ہیں اور فوری طور پر اس کا سدباب کیا جانا چاہیے۔ ان کا کہنا تھا کہ عوام کی جانوں سے کھیلنا کسی صورت قابل قبول نہیں اور ذمہ داران کے خلاف سخت کارروائی ہونی چاہیے۔
انہوں نے سید مودودی اسلامک سنٹر میں تحریک محنت پنجاب کے عہدیداران کے اجلاس سے خطاب کرتے ہوئے کہا کہ حکومتی نااہلی کے باعث لاہورکے سرکاری ہسپتالوں میں طبی غفلت روز بروز بڑھ رہی ہے۔ کبھی موبائل کی روشنی میں آپریشن کیے جا رہے ہیں تو کہیں سکیورٹی گارڈز مریضوں کے خون کے نمونے لینے جیسے غیر پیشہ ورانہ کام انجام دے رہے ہیں، جو کہ ایک سنگین صورتحال کی عکاسی کرتا ہے۔
اجلاس میں مرکزی صدر تحریک محنت خالد بخاری، صوبائی صدر معراج الدین، محمد زاہد، عامر صدیقی، محمد اشتیاق اور دیگر رہنما بھی شریک تھے۔
ضیاء الدین انصاری نے لیڈی ولنگڈن ہسپتال میں سی سیکشن آپریشنز کے دوران ڈاکٹروں کے درمیان مبینہ مقابلہ بازی اور ویڈیو بنانے کے واقعے پر سخت ردعمل دیتے ہوئے کہا کہ لاہور سرکاری ہسپتالوں میں طبی غفلت نے طبی اخلاقیات کو شدید نقصان پہنچایا ہے۔ انہوں نے کہا کہ مریضوں کی زندگیوں کو خطرے میں ڈال کر ذاتی مہارت دکھانا نہایت افسوسناک اور غیر ذمہ دارانہ عمل ہے۔
انہوں نے مزید کہا کہ آپریشن تھیٹر میں ویڈیو بنانا قانون کی کھلی خلاف ورزی ہے اور اس پر خاموشی اختیار کرنا بھی جرم کے مترادف ہے۔ حکومت اور محکمہ صحت کو چاہیے کہ وہ فوری نوٹس لے کر واقعے کی شفاف تحقیقات کرے اور ملوث افراد کے خلاف سخت قانونی کارروائی عمل میں لائے۔
انہوں نے مطالبہ کیا کہ ہسپتالوں میں سکیورٹی گارڈز کی طبی امور میں مداخلت کو فوری روکا جائے اور بجلی کے متبادل انتظامات، خصوصاً جنریٹرز کی فراہمی یقینی بنائی جائے تاکہ لاہور سرکاری ہسپتالوں میں طبی غفلت جیسے واقعات کا خاتمہ ممکن ہو سکے۔
اجلاس کے اختتام پر تحریک محنت کے رہنماؤں نے اس عزم کا اظہار کیا کہ وہ لاہور سرکاری ہسپتالوں میں طبی غفلت اور دیگر عوامی مسائل کے خلاف ہر سطح پر آواز بلند کرتے رہیں گے۔
