لاہور۔ڈیلی ٹائمز( فیاض مدثر) واسا لاہورکے ڈپٹی منیجنگ ڈائریکٹر (آپریشنز اینڈ مینٹیننس) عبد الطیف کے لیئے جوڈیشل واٹر اینڈ انوائرنمنٹ کمیشن کی جانب سے شاندار کارکردگی پر ایپریسیشن لیٹر کا اجرا
چیئرمین جوڈیشل اینڈ واٹر انوائرمنٹ کمیشن جسٹس ریٹائرڈ علی اکبر قریشی کا کہنا ہے کہ ڈپٹی مینیجنگ ڈائریکٹر عبداللطیف کے ذریعے فراہم کی گئی قیمتی تعاون اور ادارہ جاتی معاونت پر شکر گزار ہیں اپنی تعیناتی کے دوران، عبداللطیف نے اپنی ذمہ داریاں غیر معمولی پیشہ ورانہ مہارت، لگن اور دیانتداری کے ساتھ انجام دیں۔
انہوں نے انتظامی اور تکنیکی قابلیت، فوری ردِعمل، اور واسا و دیگر متعلقہ محکموں کے ساتھ مؤثر رابطہ کاری کا مسلسل مظاہرہ کیا، جس سے کمیشن کی جانب سے سونپے گئے کام وقت پر مکمل ہوئے۔کمیشن خاص طور پر معزز لاہور ہائی کورٹ، کے احکامات پر عمل درآمد اور نگرانی میں ان کے اہم کردار کو سراہتا ہے
خصوصاً زیرِ زمین پانی کے تحفظ، نکاسیِ آب، سیوریج مینجمنٹ، واٹر ٹریٹمنٹ، واٹر سپلائی آپریشنز، اربن واٹر مینجمنٹ اور دیگر ماحولیاتی امور میں جو واسا کے دائرہ کار میں آتے ہیں۔ ان کی بروقت تکنیکی رہنمائی، فعال رابطہ کاری اور احکامات پر عمل یقینی بنانے کے عزم نے کمیشن کو اپنے فرائض کی انجام دہی اور عدالتی احکامات پر عمل درآمد میں نمایاں مدد فراہم کی۔
ڈپٹی مینجنگ دائریکٹر واسا لاہور عبداللطیف نے ہمیشہ مثالی پیشہ ورانہ طرزِ عمل، بہترین فیصلہ سازی، محنت اور عوامی خدمت کے غیر متزل عزم کا مظاہرہ کیا ہے۔ ان کی تکنیکی مہارت، انتظامی قیادت اور باہمی تعاون نے واسا لاہور اور جوڈیشل واٹر اینڈ انوائرنمنٹ کمیشن کے درمیان رابطہ کو نمایاں طور پر مضبوط کیا ہے۔ ان کی شاندار کارکردگی ان کے لیے اور واٹر اینڈ سینی ٹیشن ایجنسی (واسا)، لاہور دونوں کے لیے باعثِ فخر ہے۔
انکی ممتاز خدمات اور قیمتی تعاون کے اعتراف میں تعریفی خط کو عبداللطیف کے سرکاری سروس ریکارڈ میں شامل کیا جائے، بطور اس بات کے ثبوت کے کہ انہوں نے جوڈیشل واٹر اینڈ انوائرنمنٹ کمیشن کے ساتھ اپنی خدمات کے دوران مثالی کارکردگی کا مظاہرہ کیا۔
کمیشن واسا لاہور کی جانب سے مسلسل تعاون کو بھی ریکارڈ کا حصہ بناتا ہے، اور اس اعتماد کا اظہار کرتا ہے کہ یہ ادارہ جاتی تعاون پائیدار آبی وسائل کے انتظام، ماحولیاتی تحفظ اور معز لاہور ہائی کورٹ، لاہور کے احکامات پر مؤثر عمل درآمد کے لیے آئندہ بھی جاری رہے گا۔
